Work-with-us-banner

ကျွန်ုပ်တို့ ကုမ္ပဏီသည် နှစ်ဦးနှစ်ဖက် ကောင်းမွန်စွာ ရေရှည်လက်တွဲဆက်ဆံနိုင်ရေးကို လွန်စွာတန်ဖိုးထားပါသည်။

လျှပ်စစ်ဓာတ်အားစက်ရုံ ပြုပြင်ထိန်းသိမ်းခြင်းဆိုင်ရာ ဝန်ဆောင်မှု ပေးသူ
လျှပ်စစ်ဓာတ်အားစက်ရုံ ပြုပြင်ထိန်းသိမ်းခြင်းဆိုင်ရာ ဝန်ဆောင်မှု ပေးသူ

ချေးငွေရယူသည့်ကုမ္ပဏီသည် ရေအားလျှပ်စစ်ဆိုင်ရာပစ္စည်းကိရိယာများ ထုတ်လုပ်ခြင်း၊ တပ်ဆင်ခြင်း နှင့် ပြုပြင် ထိန်းသိမ်းခြင်းဝန်ဆောင်မှု လုပ်ငန်းများကို အစမှအဆုံးထိ ဆောင်ရွက်နိုင်သည့် ကမ္ဘာ့ထိပ်တန်းကုမ္ပဏီတစ်ခု၏ တရားဝင်ကိုယ်စားလှယ်ဖြစ်ပါသည်။ အဆိုပါကုမ္ပဏီ အနေဖြင့် မြန်မာနိုင်ငံရှိအကြီးဆုံး ရေအားလျှပ်စစ်စက်ရုံ တစ်ခုအား အကြီးစားပြင်ဆင်ခြင်း နှင့် အလုံးစုံပြုပြင်ထိန်းသိမ်း ခြင်းလုပ်ငန်းများ ဆောင်ရွက်ရန် လုပ်ငန်းအပ်နှံသည့် ကန်ထရိုက်စာချုပ်လက်ခံ ရရှိခဲ့ပါသည်။ အဆိုပါ ကန်ထရိုက် စာချုပ်ပါလုပ်ငန်း များ ဆောင်ရွက်ရန် လိုအပ်သည့် လုပ်ငန်းသုံးပစ္စည်းကိရိယာများ ဝယ်ယူဆောင်ရွက်ရေးအတွက် “ပေါင်းလဒ်” မှ အပေါင်ပစ္စည်း မလိုအပ်သည့် ချေး ငွေကျပ် (၅၇၂) သန်း အား (၈)လသက်တမ်းဖြင့် ချေးဌားခဲ့ ပါသည်။

ရေကြောင်းသွားလာရေးနှင့် ထိန်းချုပ်ရေးဆိုင်ရာ ဝန်ဆောင်မှု ပေးသူ
ရေကြောင်းသွားလာရေးနှင့် ထိန်းချုပ်ရေးဆိုင်ရာ ဝန်ဆောင်မှု ပေးသူ

ချေးငွေရယူသည့်ကုမ္ပဏီသည် နိုင်ငံပေါင်းစုံတွင် ဆောက်လုပ်ရေးလုပ်ငန်းများ ဆောင်ရွက်လျက်ရှိသည့် ကမ္ဘာ့ ထိပ်တန်း ကုမ္ပဏီတစ်ခုနှင့် တံတားတည်ဆောက်ရေးပရောဂျက်တစ်ခုတွင် ရေကြောင်းသွားလာမှု ထိန်းချုပ် ရေး ဆိုင်ရာဝန် ဆောင်မှုများအား စီမံခန့်ခွဲရန်အတွက်စာချုပ်ချုပ်ဆိုခဲ့ပါသည်။ အဆိုပါကုမ္ပဏီ၏ တာဝန်များမှာ ၂၄ နာရီ ရေကြောင်းအသွားအလာ စောင့်ကြည့်ရေးနှင့် ထိန်းချုပ် လမ်းညွှန်မှုဆိုင်ရာဝန်ဆောင်မှုများ စီမံခန့်ခွဲရေးတို့ဖြစ်ပါသည်။ “ပေါင်းလဒ်”အနေဖြင့် အဆိုပါလုပ်ငန်း များအတွက် ရေကြောင်းပြဗော်ယာများ၊ ကင်းလှည့်စက်လှေများ၊ ဆက်သွယ်ရေးနှင့် စောင့်ကြည့်ရေး ဆိုင်ရာ ကိရိယာ များအစရှိသည့် လုပ်ငန်းသုံး ပစ္စည်းကိရိယာများဝယ်ယူနိုင်ရန် အပေါင်ပစ္စည်းမလိုအပ်သည့် ချေးငွေ ကျပ်သန်း (၂၇၀) အား (၈) လ သက်တမ်း ဖြင့် ချေးဌားခဲ့ပါသည်။

ဓာတ်ခွဲခန်းဆိုင်ရာ ပစ္စည်းကိရိယာ အစမှအဆုံး အလုံးစုံဝန်ဆောင်မှု ပေးသူ
ဓာတ်ခွဲခန်းဆိုင်ရာ ပစ္စည်းကိရိယာ အစမှအဆုံး အလုံးစုံဝန်ဆောင်မှု ပေးသူ

ချေးငွေရယူသည့်ကုမ္ပဏီသည် ဓာတ်ခွဲခန်းတည်ဆောက်ရေးလုပ်ငန်းတစ်ခုတွင် လိုအပ်သော ပုံကြမ်းများ ရေးဆွဲခြင်း၊ ပစ္စည်းကိရိယာ၊ ပရိဘောဂထောက်ပံ့ခြင်း အပါအဝင် လုပ်ငန်းစီမံခန့်ခွဲရေးစနစ် တစ်ခုလုံးကို အစမှအဆုံး အလုံးစုံ ဝန် ဆောင်မှုပေးနေသည့် ကုမ္ပဏီတစ်ခုဖြစ်ပါသည်။ ကုမ္ပဏီသည် ပြည်သူ့ကျန်းမာရေး စီမံခန့်ခွဲမှုဌာနအတွက် ဓာတ်ခွဲ ခန်းသုံးဖန်ထည်ပစ္စည်းများ၊ဓာတုပစ္စည်းများနှင့်ဗက်တီးရီးယား မွေးမြူခြင်းဆိုင်ရာ ပစ္စည်းများပေးသွင်း ရန်အတွက် စာချုပ်ချုပ်ဆိုခဲ့ပါသည်။ “ပေါင်းလဒ်”အနေဖြင့် အထက်ပါပစ္စည်းကိရိယာ များ ဝယ်ယူရန်အတွက် အပေါင်ပစ္စည်း မလိုအပ်သည့် ချေးငွေကျပ်သန်း (၁၆၀) အား (၄) လသက်တမ်းဖြင့် ချေးဌားခဲ့ပါသည်။

ပုဂ္ဂလိကဆေးခန်းနှင့် ရောဂါရှာဖွေခြင်း ဓာတ်ခွဲခန်းဆိုင်ရာ ဝန်ဆောင်မှု ပေးသူ
ပုဂ္ဂလိကဆေးခန်းနှင့် ရောဂါရှာဖွေခြင်း ဓာတ်ခွဲခန်းဆိုင်ရာ ဝန်ဆောင်မှု ပေးသူ

ချေးငွေရယူသည့်ကုမ္ပဏီသည် မန္တလေးမြို့တွင်အထင်ကရပုဂ္ဂလိကဆေးကုခန်းတစ်ခုဖြစ်ပြီး ရောဂါရှာ ဖွေခြင်းနှင့် ဓာတ်ခွဲခန်းဆိုင်ရာဝန်ဆောင်မှုများအား ၂၀၁၁ ခုနှစ်ကစတင်လုပ်ကိုင်ခဲ့ပါသည်။ ၎င်းတို့၏ ရောဂါရှာဖွေခြင်းနှင့် ဓာတ်ခွဲခန်းတွင် အသုံးပြုလျှက်ရှိသော ဓာတ်မှန်ရိုက်စက်အား ခေတ်မှီ နောက်ဆုံးပေါ် ဓာတ်မှန်ရိုက်စက်ဖြင့် အစား ထိုးလဲလှယ်အဆင့်မြှင့်တင်ရန်ချေးငွေလျှောက်ထားခဲ့ပါသည်။ အထက်ပါဓာတ် မှန်ရိုက်စက်ဝယ်ယူရန်အတွက် “ပေါင်းလဒ်”အနေဖြင့် အပေါင်ပစ္စည်းမလိုအပ်သည့် ချေးငွေကျပ်သန်း (၁၀၀) ကိုသက်တမ်းကာလ (၁၈)လ အတွင်း (၃)လ တစ်ကြိမ် အရစ်ကျပြန်လည်ပေးဆပ်ရန် စည်းကမ်း သတ်မှတ်ချက်ဖြင့်ချေးဌားခဲ့ပါသည်။

This site is registered on wpml.org as a development site.